الساعة الخربانه .. صادقه..

2015 08 15
2015 08 15

11912976_1192283407464324_718673898_nحتى الساعة الخربانة تصدق في الوقت مرتين في اليوم,  يعني اكثر من سبعمائة مرة في السنة ,  اصدقوا ولو مرة واحدة في الاسبوع – 52 مرة في السنة كثير مش هيك .. اخدعني مرةً عارٌ عليكَ اخدعني مَرَّتينِ عارٌ عليّ …

مش لهذه الدرجة استغباء ابن القرية…لا هدف اقتصادي محدد…. لا نسبة نمو مبينة … اذا في نمو ..

لا نسبة فقر صحيحة .. لا نسبة بطالة ولا جوع صحيحة، حتى نسبة التوجيهي مشكوك فيها…اسعار البنزين وصحتها مع السوق العالمي يفتح الله، بيانات عمدة القرية ومختارها ما فيها رقم واحد صحيح….

حنوا علينا شوي – خلوها ضربة على المسمار و خمسين على الحافر – بس اعطونا لحسة اصبع حتى نفهم…

تقدر تقلي كل سنة كم خريج جامعة ومعهد وغيره يدخلوا سوق العمل وقلي كم فرصة عمل لازم يتوفر كل سنة. ..

تقدر تقلي كل سنة حضرتك كم بتحقق نسبة نمو يا مختار .. وكم نسبة زيادة كلفة المعيشة على ابن القرية المسخم – بشرفك في تناسب بينهم…

بحياتي عندك يا مختار عندك فكرة قديش زاد نسبة مصروف العيلة في القرية على الاكل. .. و ما هي النسبة العالمية. .. وقديش على الطاقة و ما هي النسبة العالمية …

خط الفقر و كم واحد تحته و خط الثراء و كم واحد فوقه و اللي بين الخطين – يعني اللي في الوسط- عارف كم همه .. و انسى اللي على الخط –الويتنغ ليست – ((بالانتظار)) …

و الله عارف ضيوفك كثار و صار الك خمسين سنه و انته فاتحها مضافه و الله يبارك فيك .. بس كمان مهو في فوائد منهم .. اشتغلها صح حتى ما يدفع اولاد القرية الفاتورة .. و كمان حتى ارقام و اعداد ضيوفك … مش مضبوطة و كل مرة بتعطي رقم مختلف .. انا متأكد انك بتعرفه .. بس بجوز بتنسي قدام الكاميرا .. رهبة الميديا مش هيك ..

يا رجل الساعة الخربانة بتصدق مرتين في اليوم … …. اصدق و لو مرة في السنة و زي ما قال الأخرَس(( الأعمَى قالَ للأطرشٍ خَلينَا نشُوفك!)) .. و انته مين فيهم لأنه اولاد القرية عارفين همه مين…

د. فاضل الزعبي..