سعادة الربع الدكتور الثالث..

2015 06 27
2015 06 27

11657362_1159150304110968_945629436_nمسكينة قريتي. .. مقهورة انت يا قريتي. .

اولادك يا قريتي ثلاثة ارباع ….

الربع الاول من اولادك بدهم يصيروا معالي … معالي شو .. مش مهم… المهم معالي … المهم السيارة برقم احمر و الجواز كمان و بعدين يسمع الناس بتهلي و بترحب بمعاليه….

ربعهم الثاني بخطط و بحشد اصوات لمجلس القريه …. ناقصه لقب سعادة… . شو بدو يسوي بهل اربع سنوات .. و الله مهو عارف ….. المهم سعادة و رقم احمر للسيارة و جواز سفر يسهل اموره…

الربع الثالث منهم بدور على دكتوراه فخريه … من وين مش مهم … الخربة اللي جنب قريتنا فيها واحد ما معه توجيهي… و فاتح دكانه مسميها معهد عالي للقيادات و يمنح الدكتوراه الفخريه لمعوقي القريه بمبلغ محترم… و طبعا لحقهم سبوبة رزق ثانيه. و هي مانحي درجة سفير نوايا الحسنه و بمبلغ محترم… شو القصه … سفير مين يا بابا. نوايا ايش و حسنه كمان … ايش مالكو … شو الهبل … شو العبط .. ما هذا النصب على عقول البسطاء و المساكين. .. مين انت حتى تمنح لقب سفير نوايا حسنه …. ما مؤهلاتك و مين المؤسسة الدبلوماسية التي تتبع لها … كل رأسمالك انه معك قرشين و ضحك عليك واحد او وحده هرمه جاهله حتى تلهف القرشين منك ..

استعراض قائمة مشتري الدكتوراه فخريه او سفيه نوايا حسنه – عفوا سفير… تجد انهم كلهم يفتقرون للتاريخ و الجغرافيا … لا موهل اكاديمي … و لا خبرة.. ولا تاريخ في مجال السلام او خدمة الإنسانية او البشرية او حتى الفنية. .. ستينيات او خمسينيات في الطريق الى حسن الختام … يفتقرون للمظهر الحسن من كثر البوتاكس و النفخ ..من ورا هالبزنسس ركبت سيارة غير شكل..

و طبعا يستغلوا صاحب معالي اسبق من السابق .. حتى يرعي حفل تنصيب شهادة الدكتوراه الفخرية و وشاح سفير النوايا الحسنه و طبعا في فندق خمس نجوم و على حساب العبيط…

الربع الثالث مثل الاميبيا لا شكل لهم … لهم قدره على التشكل و التلون حسبما يتاح لهم من مساحه.. طحالب تعيش على قفا العبيط و الاهبل و اللي ريالته سايله ميشان يشتري الاحترام بلقب دكتوراه فخريه و سفير نوايا حسنه ..

الربع الثالث ميشان تكمل الصورة يستغل عمل الخير مثل توزيع طرود الخير و الافطار المجاني لأخذ الصور مع اليتامى و الثكالى و نشرها عالفيسبوك بسرعه … يا سلام … يا حلاوه ….. و الله قرفتونا ….و الله طفشتونا …. و الله مسختوها ….و خليتوها بلا طعمه ….

ما حدا يسأل عن الربع الرابع.. لأنه الربع الرابع قرف من الربع الثالث …. الربع الثالث رح يظل طول عمره ربع… و ثالث …

د. فاضل الزعبي..