طفي النور يا بهيه…

2015 03 07
2015 03 07

10بقلم د. فاضل الزعبي طفي النور يا بهيه…بقلم د. فاضل الزعبي.. زكي بدو يشوف مباراة برشلونه .. و امه بتحول على المسلسل التركي .. . و ابو زكي بصيح بدو اخبار الثمانية على تلفزيون القرية …بدو يشوف شو اخبار الميك اب — قصدي التعديل على شلة المختار. … ليش بتسووا هيك … ليش بتظلو تغيروا الموجه… انته و امك .. يابا كلها زي بعضها…لا .. هاي قناه جديده … فتحتها مذيعه بتجنن. يابا شعراتها بتسوى مره …. روح يا زلمه و اللي عندنا مهي زيها و احلى منها…. المذيعات الثلاثة اللي عندنا.. زهقناهم و بريقهم راح و مسكينات بحسو بالوحشة في لمة المختار … بس دعموهم بثنتين يجننوا و ما شاء الله و الله قمر و عسل يا زكي ….ايشي بفتح النفس مش مهم يمه انهم قمر ولا تمر…. المهم لازم يكون عددهم اكثر من المذيعين … حتى شكلنا يصير حلو و شلبي … احنا شكلنا في العالم ذكوري … بتروحي على المطعم كله شباب … بتروحي على القهوة شباب .. على الملعب كله شباب …في الشارع كله شباب.. حتى الاعراس برضه شباب …. يعني يمه خلي التلفزيون على الاقل يكون في المذيعات اكثر من الشباب..و الله انا فرحان انهم صاروا خمسه …. بعدين كلهم تاريخ و خبره ……..و خبره….. ايوه خبره… زكي يابا طلع ما عندك من الفهم و الذكي الا اسمك… و مالهم المذيعين. … اي حطو ثلاثة جداد يجننوا …شباب وخبره برضه و تاريخ ناصع بيلمع بيعمي عيون اللي بطلع فيه… انا يابا ممكن مش ذكي زيك و لا عندي خبرتك ما انته برضه خبرة ….بس كله ريسايكلينغ. يعني اعادة تدوير … يعني كان مذيع ف م ولا كونترول باص صار مذيع تلفزيون …. و لك و الله يابا يا زكي انك غلبتني فيها هاي …و الله انك صح طيب بعد هالفلسفه يابا ممكن انته و امك تحطولي عاخبار الثمانية حتى اشوف التعديل. …. صح النوم يا ابو زكي صارت الساعة تسعه و طار عليك التعديل …. ام زكي بابا يا زكي كني لمحت جارنا ابو عناد كان واقف عند الشباك ….. و لا يهمك بابا ….احنا كنا نحكي عالمذيعات … ليكون فكره سوالفنا هاي عالتعديل…. اساسا احنا ما شفنا الاخبار ولا بنعرف شو هوه التعديل… يا زكي شفت و لا ما شفت …. نسخة كربون مكرره … صرت شايف بحياتي زيها كثير….. ما انته حكيتها ريسايكلنغ