تهديكم أورنج الأردن، بالتعاون مع وزارة الثقافة، أغنية

ترخيص المخططات الهندسية أون لاين من قبل امانة عمان ونقابة المهندسين ..!

يا سقا الله على الخدمات الورقية قبل ان ندخل المئوية الثانية 

صراحة الاردنية
اخبار الاردن
23 أبريل 2021
البنك التجاري الأردني
92c9033f83529601fc0e7051c5942e5cd3ba04f6c9501be480d0b1081d9cba28.jpg - صراحة نيوز - SarahaNews
OpenSooq

صراحة نيوز – تتباهى العديد من المؤسسات بانها باتت تٌقدم خدماتها أون لاين تسهيلا على متلقي الخدمة .

واقع الحال بحسب ما وردنا من شخص مختص وصاحب تجربة بشأن ترخيص المخططات الهندسية ان الأجراءات قبل اعتماد الخدمات الالكترونية اسهل وأرحم واليكم ويا سقا الله على الخدمات الورقية قبل ان ندخل المئوية الثانية 

تاليا ما وردنا بخصوص التعامل أون لاين مع الجهات ذات العلاقة

اجراءات ترخيص المخططات الهندسية في التدقيق الالكتروني العتيد كالتالي:

١. تقدم المخططات و الاوراق لنقابة المهندسين ليتم دراستها و اعتمادها.

٢. بعد اعتمادها من النقابة بتطبع ورقة ضريبة المبيعات و بوجهك على اقرب دائرة ضريبة بتدفعها و بعدين بترجع بترفع الوصل اونلاين.

٣. بتروح النقابة بتبعتلك رقم دفع إلكتروني و بتدفع رسومك. و هيك بتخلص المرحلة السهلة!

٤. بتفوت على موقع امانة عمّان -بالصلاة عالنبي- و بتسمي و بتدخل برجلك اليمين و بتحط معلومات الارض و المالك و نمرة رجلك و قياس المسافة بين دار ابو ربحي و مسجد المشيرفة بالفرسخ…الخ وبالاخر بيعملوا ربط مع النقابة و بياخدوا المخططات المدققة.

٥. ثاني يوم بتبعتلك الامانة رقم دفع الكتروني عشان تدفع اتعاب فتح الملف (٧ ليرات) وبعد ما تدفعها بيبعتولك رقم دفع الكتروني للمسقفات و التحققات -إن وجدت.

البنك الأهلي الأردني

٦. بتغيب عنك الامانة اسبوعين ثلاثة و بيجيك رد إنه في ملاحظات دفاع مدني!

٧. بتروح بتطبع المخططات و بتختمها من النقابة و بتروح على الدفاع المدني (بعد اخذ موعد طبعاً )

٨. الدفاع المدني اللي مفروض يكون دارس المعاملة اونلاين بيرجع بيدرس المعاملة ورقياً و بيعطيك ملاحظات.

٩. بتروح وانت ارنب بترجع على مكتبك بتعمل التعديلات و بتدخل على التدقيق الالكتروني في النقابة بتقدم المخططات إعادة تصديق.

١٠. ثاني يوم بيجيك موافقة النقابة فبترجع بتفوت على موقع الامانة و بترجع ترفع الملف حتى يرجعوا يبعتوه للدفاع المدني.

١١. بيرجع الدفاع المدني -الأفندي- بطلعلك كمان ملاحظة او ثنتين و بتروجع بتكرر النقطة رقم ٧ و ٨ و٩ و ١٠ أعلاه.

١٢. بالاخير بترجع بتطبع المخططات و بتختمها كمان دور من النقابة و بتروح على الدفاع المدني تصدقها و بتدفع الرسوم و بعدين بيعمل الضابط كليك على الكمبوطر و برجعا موافقة للأمانة
!
١٣. رئيس القسم في الأمانة بودي المعاملة للمهندس للدراسة. بيدرسها المهندس و برجعلك ملاحظات على المخططات. (في بعض الحالات بتضطر تطبع المخططات و تروح على المهندس تتفاهم معه شو بده لانه بكون كاتب ملاحظاته باللغة الارامية القديمة )

١٤. بتعدل الملاحظات من الأمانة و بترجع بتعمل ابلود على موقع النقابة و بعدين النقابة بتدرسها و بتعطيك موافقة بترجع للامانة الامانة بتحولها للدفاع المدني الدفاع المدني بده طباعة و تعديل و القصة بقيتها معروفة!

١٥. بعد ما تنتهي تعديلات ملاحظات المهندس بتروح المخططات لرئيس القسم و ممكن يحط عليها ملاحظات جديدة و ترجع تكرر العملية أعلاه.

١٦. تحوّل المخططات بالنهاية للجنة اللوائية؛ اذا اخذت موافقة بتروح لنقطة ١٧، اذا عدم موافقة -اكلت هوا- بترجع لنقطة رقم ٧

١٧. بعد اخذ موافقة اللجنة المحلية بتحكي مع زبونك بتباركله و بتحتفل بالانتهاء بيجيك ديوان المحاسبة بحط ملاحظات على المخططات و بتعيد أم العملية من أولها!