صراحة نيوز- الدكتور ثابت المومني
اللي بصير مش طبيعي… الكاميرات صارت بكل زاوية كأنها ناطرة تغلّطك، مش تحميك.
المواطن صار حاس حاله ماشي بحقل ألغام… غلطة صغيرة؟ مخالفة جاهزة.
سيارة تمشي سنة كاملة بدون مخالفات؟ هاي بدها معجزة… أو تحطها بالمخزن وتسلم المفتاح.
بصراحة، الناس بطّلت تشتري حكي “سلامة مرورية”… الكل شايفها جباية عالبارد.
لا توعية، لا تحسين شوارع… بس مخالفات ورا مخالفات، وكأن المطلوب تدفع وخلاص.
الواحد صار يسوق وهو متوتر، مش خايف على حاله… خايف من الكاميرا.
هيك الأمور ما بتمشي… المواطن مش بنك مفتوح، ولا صرّاف آلي تمشّطوه بكل شارع.
إذا الهدف سلامتنا، خلّونا نحس فيها… مش نحس حالنا محاصرين بكل لفّة ودعسة بنزين، عشان نعبي الخزينة وجدرانها متصدّعة مكسورة، والمسؤولين بالحكومة بيتسابقوا لتقاسم مقدراتها… مقدرات البلد.
